Teri aankh ke ansoo pee jaoon

One of my top favourites from my childhood…
Watch at Youtube
From the film Jahan Aaraa, sung by Talat Mehmood…

Tera gham-khaar hoon, lekin mein tujh tak aa nahi sakta
Mein apne naam teri, bekasi likhwa nahi sakta

Teri aankh ke ansoo peejaoon, Aisi meri taqdeer kahan
Tere gham mein tujhko behlaaoon, Aisi meri taqdeer kahan
Teri aankh ke ansoo peejaoon

Aye kaash jo milkar rote, kuch dard to halke hotay
Bekaar na jaate aansoo, kuch daagh jigar ke dhotay
Phir ranjh na hota itna, hai tanhaai mein jitna
Ab jaane ye rasta gham ka, hai aur bhi lamba kitna
Haalat ki uljhan suljhaoon, Aisi meri taqdeer kahan
Teri aankh ke ansoo peejaoon

Kya teri zulf ka lehra, hai ab tak wohi sunehra
Kya ab tak tere dar pe, deti hain hawayen pehra
Lekin hai ye khaam khayaali, teri zulf bani hai sawaali
Mohtaaj hai ek kali ki, ek roz thi phoolon waali
Wo zulf parishaan mehkaoon, Aisi meri taqdeer kahan

Teri aankh ke ansoo peejaoon, Aisi meri taqdeer kahan
Teri aankh ke ansoo peejaoon

This entry was posted in Songs. Bookmark the permalink.

Leave a Reply